Yea! After School

Programi YEA! Afterschool për vitin shkollor 2024/25 është një iniciativë edukative falas e ofruar nga Qendra YEA! – Young Entrepreneurs Albania në bashkëpunim me Bashkinë Shkodër, Qendrën Rinore Atelie Shkodër, dhe është financuar nga Projekt Albanien. Ky program synon përmirësimin e notave dhe ofrimin e mbështetjes shtesë për nxënësit nga klasa e 6-të deri në të 12-ën. Me moton #YoungstersForYoungsters, programi mbështetet në metodën e mësimit “peer-to-peer”, ku lëndët zhvillohen nga maturantë ekselentë. YEA! Afterschool ka nisur në vitin 2020 dhe ka pasur sukses duke ndihmuar rregullisht mbi 60 nxënes çdo vit.

Detajet e programit

Orari: Kurset zhvillohen çdo ditë nga e hëna deri të premten, në orën 16:30 – 18:00 sipas orarit të caktuar më poshtë.
Vendi i Zhvillimit: Inkubatori i Biznesit Atelie, kati 2, Rruga Selaudin Bekteshi, Shkodër.

Programi përfshin: Lëndë si Gjermanisht A1 dhe A2, Matematikë për klasat e ndryshme, Teknologji Mediatike/Design, dhe Zhvillim Software.

E Premte: Të premten e fundit të çdo muaji organizohen aktivitete argëtuese për të gjithë pjesëmarrësit.

Informacione të Rëndësishme:
Pjesëmarrësit duhet të ndjekin rregullisht seancat mësimore. Në rast të 2 ose më shumë mungesave të pa njoftuara, Qendra YEA! ka të drejtë të ndërmarrë masa përjashtimi.
Gjatë seancave, mund të bëhen fotografi dhe video për qëllime promovimi dhe dokumentimi.

YEA! – Dream it, Love it, DO it !